KUKU NA LIMAO

Mahitaji

• Kuku 1
• Mafuta ya kula 
• Kikombe 1 cha kahawa
• Kitunguu saumu cha unga vijiko 3 vya chakula
• Malimao 4
• Paprika nusu kijiko cha chai
• Unga wa kitunguu saumu kijiko 1 cha chai
• Vitunguu maji 2 vikubwa
• Chumvi kijiko 1 na nusu cha chai
•  Pilipili manga kijiko 1 cha chakula
• Maji kikombe kidogo kidogo
• Kijiko 1 kidogo cha Unga wa haradali (Mustard powder)
• ½ kijiko cha chai cha thyme
• ½ kijiko cha chai cha lemon zest 

Maelekezo

Huyu kuku ni mtamu, na ni chakula bora sana kwa familia. Kama unahitaji kujiramba na kuvinjari, basi hapa ndio umefika.

• Changanya viungo (kasoro mafuta ya kula na ndimu) kwenye blender. Saga ili upate mchanganyiko sawia. HIfadhi pembeni.
• Andaa kuku – unaweza kumkata vipande au ukamuacha mzima kisha msafishe na mkaushe kwa kitambaa safi.

Kama unataka kuoka kuku, hakikisha kuwa huondoi ngozi. Ngozi husaidia kumfanya kuku aive vizuri 

• Kwenye mfuko wa nylon au plastic weka mchanganyiko wa viungo vyote kisha weka kuku na umchanganye vizuri ili apate kuingia viungo.

• Hifadhi mfuko wenye kuku kwenye fridge kwa takribani masaa 6 hadi 7
• Ukiwa tayari kuandaa kuku, toa kwenye mfuko, panga kwenye bakuli (sinia au chombo chochote) la kuokea kwenye oven.
• Washa oven na uipashe moto kwenye nyuzi 300°F (150°C)
• Kamua limao kwenye chombo kikavu. Changanya maji ya limao na mafuta ya kula  kwa pamoja upate mchanganyiko sawia. Kata vizuri vipande vya limao lililobaki na weka pembeni, usitupe.
• Mwaga mchanganyiko juu ya vipande vya kuku vizuri. Mloanishe ili apate kuwa na unyevunyevu mzuri.
• Panga vipande vya limao kwenye bakuli vizuri pembeni ya vipande vya kuku.
• Tega oven kwa dakika 45 na weka kuku ili apate kuiva. Unaweza kuangalia kama anaungua ili kumgeuza.

• Baada ya dakika 45, toa kuku. Angalia kama ameiva vizuri ndani.
• Unaweza kula chakula hiki na ugali, wali, ndizi au vinginevyo. Unaweza pia kula kama kitafunwa kizuri na kinywaji baridi.
• Hapo tayari kuku wetu kwa kuliwa karibu mezani na jilambe